Proiektuen finantzaketa

ERREKAn, Eusko Jaurlaritzak finantzatutako proiektuak dauzkagu, Eskualde Garapeneko Europako Funtsaren babesa ere badaukatenak.

Ezagutu proiektuak

Fastening solutions
Plastics
Access

INTEGRIA (ZE-2023/00026)

INTEGRIAk, helburu orokor gisa, balio erantsi handiko osagaien osotasun estrukturala ikertzea planteatzen du, Euskadiko enpresei offshore eoliko flotatzailearen merkatu potentzial erraldoira sartu ahal izateko. Hori lortzeko, eredu digitalak erabili behar dira problematikak konpontzeko, eta, horretarako, berrikuntzak egin behar dira, egitura-elementuen (trantsizio-pieza, TP) adimen artifizialean (IA), ainguratze-sisteman, ebakuazio- eta elikatze-elementu elektrikoetan, sarbide-sisteman edo aerosorgailua kontrolatzeko sistema hidrauliko eta mekanikoetan oinarritutako eredu bakar integrala sortzeko.

Partzuergoaren buru NAUTILUS izan da, eta NAVACEL, PINE, DITREL, KERA COAT, COREMARINE, ERREKA, IBERMÁTICA, INNOMAT, LAU LAGUN, ALERION, GLUAL ENERGY eta HINE enpresek parte hartu dute. Partzuergoak, gainera, Zientzia, Teknologia eta Berrikuntzaren Euskal Sareko hainbat eragileren babesa du, hala nola TECNALIA, CEIT, CIDETEC eta ENERGIAREN KLUSTERRARENA.

Proiektua Eusko Jaurlaritzaren Hazitek Programak finantzatzen du, eta Ekonomiaren Garapen, Iraunkortasun eta Ingurumen Sailaren eta Eskualde Garapeneko Europako Funtsaren (EGEF) gastuen aurrekontuaren kontura eman da laguntza.

NEHOTOR (ZL-2023/00827)

Proiektu honen helburu nagusia da neke-propietate hobetuak dituzten metrika handiko torlojuak (M90 arte) fabrikatzea, eta horrek, aldi berean, neke zehatzeko karakterizazio-metodologia bat garatzeko beharra dakar, saiakuntza-denbora txikietan.

ERREKAk gidatu du proiektua, eta, gainera, IKERLANek lagundu du, Zientzia eta Teknologiaren Euskal Sareko agenteak.

Manuwind

MANUWIND proiektuaren helburu nagusia % 100 Green Lean den soluzio berri bat garatzea da, Adimen Artifizialean eta Business Intelligence delakoan oinarritutakoa, MES eta ERP soluzioak, ikusmen artifiziala eta automatizazio aurreratu malgua bateratzen dituena sistema sinkronizatu eta integratu bakarrean, zero strock, karbono aztarna oso murriztua eta hutsegite-tasa ia nulua duen produkzio bat lortzeko, fabrikazio-prozesuak denbora errealean balioztatzeko aukera emango duena, KPI adierazleetan oinarrituta.

Partzuergoaren burua ZUCCHETTI da, eta sektorean itzal handia duten beste bost enpresek hartzen dute parte bertan: INGETEAM, MSI, FEGEMU, ERREKA eta GLUAL. Halaber, partzuergoak Zientzia, Teknologia eta Berrikuntzaren Euskal Sareko eragile batzuen babesa dauka; besteak beste, TECNALIA, CEIT, IRDE eta GLUAL Innova teknologia-zentroena.

Proiektua Eusko Jaurlaritzaren Hazitek programaren bidez finantzatu da, Eskualde Garapeneko Europako Funtsaren babesarekin.

HyShore

HyShore proiektuaren helburu nagusia da Euskal Autonomia Erkidegoko Ontzigintza, Offshore eta Oil & Gas industrien (eraldaketa-prozesuan) eta Hidrogenoaren industria berriaren gaitasunak dinamizatzea eta indartzea. Helburu hau offshore parke eolikoetan sortutako hidrogenoaren garraioan eta logistikan aplikatzeko soluzio teknologiko berriak garatzean datza (materialak, fabrikazio-prozesuak eta -bitartekoak, osagaiak eta sistemak), 2 bide kontuan hartuta: Pipeline eta ontzigintza.

BOSLAN da partzuergoaren burua, eta sektoreko erreferentziazko beste hamar enpresaren partaidetza du: Tubacex (TTI, TSG, TUBACOAT, ACVA), ERREKA, ARIZAGA, ABC COMPRESSORS, AST.MURUETA, NVA.MURUETA, NAVACEL eta TRATAMIENTOS TÉRMICOS TTTT. Gainera, Zientzia eta Teknologiaren Euskal Sareko hainbat eragileren laguntza du partzuergoak, hala nola TECNALIA zentro teknologikoena, TUBACEX (TUBACEX INNOVACIÓN) taldeko eta ABC COMPRSSORS (ABCTECH), AZTERLAN eta CEIT enpresetako I+G unitateena, eta Euskal Herriko Itsas Foroaren (FMV) partaidetza ere badu.

Proiektua Eusko Jaurlaritzaren HAZITEK programak finantzatzen du, Eskualde Garapeneko Europako Funtsaren laguntzarekin.

H2SAREA

H2SAREA proiektuaren helburu nagusia da Euskal Autonomia Erkidegoko industria dinamizatzea eta bultzatzea hidrogenoaren ekonomia berrian, egungo gas naturalaren sarean hidrogenoa banatzeko irtenbide teknologikoak garatuz.

Partzuergoa NORTEGAS ENERGÍA enpresak zuzentzen du eta sektoreko erreferentziazko beste sei enpresak parte hartzen dute: Nortegas GRUPO, CAE SL, ERREKA, ABC COMPRESSORS, Hydrogen Onsite eta ORKLI. Gainera, Zientzia eta Teknologiaren Euskal Sareko hainbat eragileren laguntza du partzuergoak, hala nola TECNALIA, IKERLAN eta ABCTECH zentro teknologikoena, eta Energiaren Kluster Elkartearen (ACE) partaidetza ere badu.

Proiektua Eusko Jaurlaritzaren HAZITEK programak finantzatzen du, Eskualde Garapeneko Europako Funtsaren laguntzarekin.

MEGAWIND (ZE-2022/00034)

Proiektuaren helburu nagusia gehien erabiltzen diren eta merkatu-potentzial handiena duten zimenduak hobetzea da, hau da, monopiloteak, offshore (+15 MW) aerosorgailu handien belaunaldi berriarekin integratuz, monopilotearen beraren diseinuaren eta fabrikazioaren, trantsizio-piezaren eta bien arteko lotura-sistemaren inguruan berrikuntzak garatuz.

Partzuergoaren buru ERREKA izan da eta sektorean erreferentzia diren beste 6 enpresak parte hartu dute: HAIZA BILBAO, NAVACEL, TRATAMIENTOS TÉRMICOS TTT, GALVASALA, FEX eta IBERDROLA RENOVABLES. Partzuergoak, gainera, Zientzia, Teknologia eta Berrikuntzaren Euskal Sareko hainbat eragileren babesa du, hala nola TECNALIA, AZTERLAN eta ENERGIAREN KLUSTERRARENA.

ENERGIA-ERAGINKORTASUNA HOBETZEA LED LUMINARIETARA ALDATZEAREN ONDORIOZ

Matz Errekak LED ARGI-SISTEMETARA ALDATZEAREN BIDEZKO ENERGIA-ERAGINKORTASUNA HOBETZEAREN aldeko apustua egin du. Industria-sektoreko enpresa handietan aurrezteko eta efizientzia izateko laguntzen ildoari atxikitako proiektu bati heltzen dio, FEDER Eskualde Garapeneko Europako Funtsak kofinantzatuta eta IDEAk kudeatuta, Energia Efizientziaren Funts Nazionalaren kargura, ekonomia garbiagoa eta iraunkorragoa lortzeko helburuarekin.

SABRE

Proiektuaren helburua teknologia berrien inguruan ikertzea da, % 100 elektrikoak diren autobus eta ibilgailuetarako energia-dentsitate grabimetriko handiko bateria arinen belaunaldi berri bat garatzeko, modulagarriak eta eskalagarriak izateari esker merkatuaren askotariko premietara egokitzen direnak. Bateria horiek barne-kudeaketa termiko aurreratua eta segurtasun-maila altuena edukiko dute arlo guztietan. Horrela, Europa hegoaldeko erreferentziazko eskualde ia bakarra izango da Euskadi, bateriaren moduluei eta eBus-etarako battery pack-ari dagokienez.

Jarduketaren burua FAGOR EDERLAN izango da, eta Euskadiko industria-sektoreko CIKAUTXO, BATZ, COPRECI, ERREKA, EIKA, MONDRAGON ASSEMBLY eta MB SISTEMAS enpresen laguntza edukiko du. Halaber, partzuergoak Zientzia, Teknologia eta Berrikuntzaren Euskal Sareko IKERLAN, KONIKER, CENTRO STIRLING, MGEP, LEARTIKER, EDERTEK, CIKATEK eta AZARO FUNDAZIOA eragileen babesa dauka.

Proiektua Eusko Jaurlaritzaren HAZITEK programaren bidez finantzatu da, Eskualde Garapeneko Europako Funtsaren babesarekin.

LOCKWISE

LOCKWISE proiektuaren helburu nagusia IVD eta Drug Delivery sistemetarako behin erabiltzeko medikuntza-gailuen eskala handiko produkzioan balio nabarmena sor dezaketen teknologia berriei buruzko ikerketa industrial bat egitea da.

Partzuergoaren burua MICROLIQUID enpresa da, eta Euskadiko industria-sektoreko ERREKA eta TAUCON enpresek ere parte hartzen dute bertan. Halaber, partzuergoak Zientzia, Teknologia eta Berrikuntzaren Euskal Sareko CEIT, IKERLAN eta VICOMTECH eragileen babesa dauka.

Proiektua Eusko Jaurlaritzaren HAZITEK programaren bidez finantzatu da, Eskualde Garapeneko Europako Funtsaren babesarekin.

REPLASTIC

RePlasTIC proiektuak soluzio bat proposatzen du ibilgailuen sektorean plastikozko piezak fabrikatzeko ditugun efizientzia- eta jasangarritasun-erronkak gainditzeko. Zehazki, RePlasTIC enpresak plastikozko piezak fabrikatzeko injekzio-prozesu adimendun eta moldagarri berri bat proposatzen du, material plastiko birjinekin sortzen den akatsak nabarmen murriztuko dituena eta enpresen ingeniaritza- eta fabrikazio-prozesuetan material birziklatu gehiago erabiltzea erraztuko duena.

Jarduketaren burua MSI GRUPO S.COOP. izango da, eta Euskadiko industria-sektoreko ERREKA, MASER, EKIDE, PLASTICOS LARRAÑAGA, XABET eta BIRZIPLASTIC enpresen laguntza edukiko du. Halaber, partzuergoak Zientzia, Teknologia eta Berrikuntzaren Euskal Sareko TECNALIA, VICOMTECH eta GAIKER eragileen babesa dauka.

Proiektua Eusko Jaurlaritzaren HAZITEK programaren bidez finantzatu da, Eskualde Garapeneko Europako Funtsaren babesarekin.

REW

Proiektuaren helburua Cloud 3D disenatzaile bat inplementatzea da, arau parametrikoetan oinarrituta diseinua automatiza dezan, baita errealitate areagotuan nahiz ingurune erreala atzemateko teknologietan oinarritutako bistaratzea integratu ere, diseinuak eta eskaintzak sortzeko kostua murrizteko eta bezeroari e-commerce bidezko soluzio erakargarri eta berritzaile bat eskaintzeko. Diseinu-plataforma berri horri esker, bertan parte hartzen duten enpresek aurrerapausoak egingo dituzte industria adimendunaren arloan, ekintza komertzialaren lehiakortasuna hobetuta eta ekonomia digital berrira modu efizientean egokituta.

SEREX

SEREX proiektuaren helburu nagusia plataforma adimendu bat sortzea da, teknologia berritzaileen bidez eremu komertzialen ahalmena maximizatzeko, bisitariei esperientzia paregabe nahiz murgiltzaileak eskaintzeko eta markaren ikusgaitasuna areagotzeko beharrezko tresna digitalak eskainiko dituena.

Partzuergoaren burua FLOW izan da, eta sektorean itzal handia duten beste lau enpresek hartu dute parte bertan: TELESONIC, ERREKA, TECOEL eta GARANTIZAMOS CALIDAD, PLAZO Y COSTO. Halaber, Zientzia, Teknologia eta Berrikuntzaren Euskal Sareko TECNALIA eragilearen babesa izan du partzuergoak.

Proiektua Eusko Jaurlaritzaren Hazitek programaren bidez finantzatu da, Eskualde Garapeneko Europako Funtsaren babesarekin.

ADIMERTZ

ADIMERTZ proiektuaren helburu nagusia hardwarea, softwarea, tresnak eta teknikak garatzea da, IAn, Edge-ko konputazioan eta/edo kontrol aurreratuan oinarrituta, sistema industrialen automatizazio-mailak zabaltzea errazteko, gailuen eta sistemen bizi-ziklo osoan zehar autokudeaketa eta euskarria bermatuz.

Partzuergoaren buru FAGOR ELECTRÓNICA izan da eta sektorean erreferentzia diren beste 6 enpresak parte hartu dute: ORONA, GH CRANES & COMPONENTS, EUN, SMART PM, ERREKA ETA HETTICH. Partzuergoak, gainera, Zientzia, Teknologia eta Berrikuntzaren Euskal Sareko hainbat eragileren babesa du, hala nola IKERLAN, ORONA EIC eta EGILE INNOVATIVE SOLUTIONS.