Cristina Etxegoien: “Medikuntza sektoreko ziurtagiri berriarekin hornitzaileen balizko esparruan sartzea espero dugu”

Cristina Etxegoien: “Medikuntza sektoreko ziurtagiri berriarekin hornitzaileen balizko esparruan sartzea espero dugu”

ERREKAko kudeaketa-sistemen koordinatzaileak kooperatibak lortutako ziurtagiri berrien balorazioa egin du, eta sakon hitz egin digu ISO 13485 ziurtagiria lortzeko aukera berriei buruz.

Kalitatearen, Segurtasunaren eta Ingurumenaren kudeaketaren inguruko ziurtagiriak berritu ditu Errekak eta beste bi ziurtagiri ere eskuratu ditu, merkatu berriak zabaltzeko asmoz.

Zein dira ziurtagiri horiek eta horiekin zein konpromiso hartzen du Errekak?

Negozio guztiz ezberdinak ditugu Errekan eta bezeroak ere guztiz ezberdinak dira. Hala ere, ezberdinak izan arren, baditugu gauza batzuk komunean, hala nola gure kudeaketa sistemak. Honi dagokionez, negozio guztientzako diren ziurtagiri batzuk ditugu, baina badira beste batzuk negozio zehatz batean bakarrik aplikatzen direnak.

Martxoan ziurtagiri prozesu integratua izan genuen, ia hilabetez auditoreen artean negozio guztiak batera araudi guztiak bateratzeko eta ziurtagiri berriak eskuratzeko.

Berritu ditugunen artean daude: 14001 ingurugirokoa;  45001 laneko segurtasuna eta osasunekoa; eta kalitatekoetan, berriz, ISO 9001 finkapena eta sarbideetan, eta IATF plastikogintzan. Izan ere, plastikogintzaren merkatua automoziora bideratuta dagoenez, arautegi berezia dugu.

Berrien artean ditugu: 50001 efizientzia energetikoaren kudeaketarako; eta 13485 osasun produktuetarako.

Nola hobetzen dute Errekaren lehiakortasuna ziurtagiri horiek?

Ziurtagiri bat ateratzean edo ezartzean, gauzak modu batera egin behar direla ziurtatzen ari gara. Gure jarduerak arau baten inguruan edo arau zehatz batzuk jarraituz gauzatuko dira. Arautegi bat jarraitzen dugula jakiteak segurtasuna ematen die bezeroei eta hori oso positiboa da. Kalitateak, berriz, bezeroa zaintzea eskatzen du pieza onak bidaliz, epe mugak betez edota aldaketarik balego, abisatuz.

Zein eragin dute ingurunearen jasangarritasuna eta langileen osasuna zaintzeari begira?

Ingurugiroko ziurtagiriek hondakinen kontrola eta emisioaren kontrola (urarena, gasarena) izatea eskatzen digute, bai enpresarentzat bai ingurumenaretzat ere ona baita. Aspalditik dugun arau hau geroz eta zorrotzagoa da.

Langileen segurtasun eta osasunari erreferentzia egiten dion arautegiak, alde batetik istripuak gutxitzen laguntzen du, ezbehar-kopurua zein den eta hori gertutik jarraitzera behartzen duelako. Eta, bestetik, langileen osasunerako onuragarria da, ez bakarrik gaixotzerako momentuan, baita prebentzio modura ere. Hala, langileen osasuna sustatzen laguntzen digu, proiektu ezberdinekin.

ISO 13485 eta ISO 50001 atera berri dituzue Antzuolako egoitzan. Zertarako dira ziurtagiri horiek?

ISO 13485, osasun produkturako dena, ez da zuzenean eragiten gaituen arau bat, izan ere, ez gara azken osasun produktu horren fabrikatzaileak, paziente batek, ospitale edo farmazia batean zuzenean erabiliko duena… baina medikuntzaren sektorean sartzeak ERREKAren erronka estrategiko bati erantzuten dio, eta ziurtagiria lortzeak gure jarduera baldintza jakin batzuetan egiten dugula bermatzen die gure balizko bezeroei; horretarako, adibidez, areto zuri bat eraiki dugu, produktu mota horiek behar duten garbiketa-giroan osagaiak fabrikatzeko aukera ematen diguna.

Energia-kudeaketaren ISO 50001-a, energia-kudeaketara eta murrizketara bideratuta dago. Jasangarritasunarekin zuzenean lotutako araua da, eta energia-kostu hori murrizteko eta ahalik eta erabilera eraginkorrena egiteko aukera ematen digu. Gure negozioetako batean ezarri dugu, plastikoetan, eta ERREKAren gainerako jardueretara zabaltzeko asmoarekin lan egiten dugu.

Nola eragin du lan prozesuetan ziurtagiri hauek eskuratzeak?

Arau bat ezartzeak prozesu guztiak era konkretu batean egin behar dituzula esan nahi du. Eta lortu behar da egiteko modu jakin hori gure egunerokotasunean integratuta egotea. Arau guztiek esan nahi dute prozesuen plangintzak egin behar direla, prozesuen gorabeherak aztertu behar direla, eta gauzak ondo ateratzen ez direnean ekintza zuzentzaileak jarri behar direla.

Merkatuan zein aukera ematen dizkie Errekari ziurtagiri hauek?

Medikuntza sektoreko ziurtagiri berriarekin, adibidez, bezero gehiagorengana iritsi gaitezke. Aldez aurretik bagenekien enpresa batzuek ez gintuztela hornitzailetzat hartzen, ziurtagiria ez genuelako, baina orain badaukagu, eta hornitzaileen balizko esparru horretan sartzea espero dugu.

50001arekin, oro har, konpromiso batzuk hartu ditugu bezero multinazional batzuekin, eta konpromiso hori betetzen ari gara, eta uste dugu bezero berriek positiboki baloratuko dutela.

Aurrera begira, beste ziurtagiriren bat eskuratzeko prozesurik baduzue?

Buruan dugu eta hasi gara ISO 27001an lanean, informazioaren kudeaketan. Argi dago sortzen duzun informazioa kudeatzeko gai ez bazara, arrisku handia duzula. Badira urte batzuk ildo horretan lanean ari garela eta datorren urtean ziurtatzea erabaki dugu uste dugulako modu eraginkorragoan egingo diegula aurre arriskuei.

Datozen hilabeteetan ere ISO 50001 ERREKAren beste negozioetan ezartzeko lanean arituko gara, Finkapenean eta Sarbideetan; beharrezkoa den lan asko egin dugu dagoeneko Plastikoen negozioan, eta beste negozioetara eraman dezakegu. Ziur gaude ERREKArentzat, bezeroentzat eta ingurune osoarentzat onuragarria izango dela.

Harpidetu zaitez gure albisteetara

Ez galdu ERREKAri buruzko azken berriak

Albisteak

ERREKAri buruzko azken albiste eta berritasunak kontatuko dizkizugu.

ERREKAk Darwin Biomed startuparekin bat egin du, Health linea bultzatzeko helburuarekin
ERREKAk Darwin Biomed startuparekin bat egin du, Health linea bultzatzeko helburuarekin
ERREKAk Darwin Biomed startuparekin bat egin du, Health linea bultzatzeko helburuarekin

Errekaren eta Darwin Biomeden arteko akordioaren argazkia, ezkerretik eskuinera, Gorka Mendiaraz, ERREKA Medical negozio zuzendaria, Adrian Jiménez, Darwin Biomedeko Zuzendari Orokorra eta Lander Sagarna, Errekako Berrikuntza eta garapen berrien zuzendaria.

Irakurtzen jarraitu
Erreka Digital Bolt teknologia berritzailea aurkeztu du Errekak WindEurope azokan
Erreka Digital Bolt teknologia berritzailea aurkeztu du Errekak WindEurope azokan
Erreka Digital Bolt teknologia berritzailea aurkeztu du Errekak WindEurope azokan

Errekaren Smart Fastening negozioak garatutako ingeniaritza-soluzioak eolikoen mantentze-lanetarako funtsezko elementu bihurtzen ari dira. Erreka Digital Boltek (EDB) irtenbide iraultzaile bat […]

Irakurtzen jarraitu
Lander Sagarna: “Gure helburua negozio garapena, azelerazio korporatiboa eta aktiboen balorizazioa ERREKAren estrategiarekin lerrokatzea da”.
Lander Sagarna: “Gure helburua negozio garapena, azelerazio korporatiboa eta aktiboen balorizazioa ERREKAren estrategiarekin lerrokatzea da”.
Lander Sagarna: “Gure helburua negozio garapena, azelerazio korporatiboa eta aktiboen balorizazioa ERREKAren estrategiarekin lerrokatzea da”.

Irailaren hasieran hartu zuen Lander Sagarnak (Areatza, 1987) ERREKA taldeko Berrikuntza zuzendari kargua. Industria ingeniaritza ikasi zuen Bilboko Ingeniaritza Eskolan […]

Irakurtzen jarraitu