Autobus geltokietarako 2.500 ate automatiko saldu ditu ERREKAk Brasilen

Autobus geltokietarako 2.500 ate automatiko saldu ditu ERREKAk Brasilen

  • Errekak Hego Amerikako merkatuan burututako inoizko operazio handiena da.
  • TransBrasil garraio proiektu bat da, Rio de Janeiron eraikitzen ari dena, hiriko ibilbide jendetsuenei erantzuteko.
  • Errekak eskainitako soluzioak sarrera-irteerak hobetuko ditu eta segurtasuna bermatuko du.
  • Antton Tomasena, Errekako zuzendari nagusia, eta Aitor Sotes, Connected Access negozioko buruak Brasilera egingo dute bidaia, martxoaren 20tik 22ra.

Errekak negozio operazio garrantzitsua itxi berri du Brasilen, kontratu handi bat eskuratuz. Hala, TransBrasil Rio de Janeiron eraikitzen ari den autobus ibilbide berrietako geltokietako sarrera automatizatuak ekoitziko ditu. Guztira, 2.500 ate automatikorekin hornituko ditu MOBIRio enpresak, garraio publikoko konpainiak, kudeatzen dituen lineatako geltokiak. Aipatu enpresak kudeatzen du, baita ere, Rio de Janeiroko BRT sistema.

Era berean, MONDRAGON Korporazioan kokatutako kooperatibak kontratu garrantzitsua lotu du BRT-ren ibilbide berriak zaharberritzeko Rio de Janeiron (TransOeste, TransCarioca eta TransOlimpica). Autobus linea horiek eta geltokiek segurtasuna bermatzeko eta sarrera-irteerak kontrolatzeko soluzio berritzaileak behar dituzte.

Ate automatikoen instalazioa eta salmenta operazioa dela eta, martxoaren 20an, Errekako zuzendari nagusi Antton Tomasena eta Connected Access negozio unitateko zuzendari Aitor Sotes Brasilera joango dira, bisita ofizialean. 21ean TransBrasil-en instalazioak eta linea berrien obrak bisitatuko dituzte eta Jessik Trairi, Obra Azpiegituratako idazkariaz bilduko dira. 22an BRTren instalazioak eta lineak bisitatuko dituzte eta 1.500 sarrera-irteera automatizatuen instalazioaren ekitaldian parte hartuko dute.

Bergaran diseinatutako eta fabrikatutako soluzioak

Brasilgo eskaerari aurre egiteko, Errekak Bergaran (Gipuzkoa) duen lantegian diseinatu eta ekoiztu ditu soluzioak, bere egoitza nagusian. Hala, ate automatizatuen salmentaren dimentsioak eta bolumenak indartu egiten du Errekaren presentzia Ameriketako merkatuan eta mugikortasunaren arloan soluzio berritzaileen hornitzaile global gisa ageri da Euskadiko kooperatiba. Une bereziki garrantzitsuan gainera, gero eta gehiago hitz egiten baita etorkizuneko mugikortasunaz eta hiriez.

BRT, Bus Rapit Transit

BRT da autobus artikulatu bidez garraio publiko masiboa bideratzen duen sistema, bidaiarien fluxua hobetzeko sortutakoa. BRT Brasil 21 hiritan dago eta 11.000.000 milioi bidaiari ditu egunean. Bestalde, TransBrasil garraio masiboko proiektu bat da Rio de Janeiro hiriburuan eraikitzen ari direna eta bereziki hiriaren hegoaldeko biztanleei garraio soluzioak eskaintzeko sortu da. Linea berriak 1.000.000 pertsonari eskainiko dio zerbitzua.

Bi proiektuek aukera eman diote Errekari 55 autobus geltokitan sarbide automatikoak jartzeko, eta geltoki bakoitzean 40 eta 60 ate inguru jarriko dituzte. Hala, bi akordioak zenbatuta, Errekak 2.500 sarbide automatiko ekoiztuko ditu.

Benvindo de Novaes BRT geltokia, Río de Janeiro.
Benvindo de Novaes BRT geltokia, Río de Janeiro.

Emaitza pozgarria

Errekaretzat garrantzitsuena da pertsonen mugikortasuna errazteko soluzio egoki bat eskaini ahal izatea: sarbide hobeak eskainiz, segurtasuna bermatuz eta jendeak tarifa ordaindu gabe sartzea ekidinez. Errekaren soluzioa diseinatzerako orduan, arlo kritikoetako bat izan da, hain justu ere, bezeroaren beharrak asetzea, izan ere bandalismo altuko arazoak eta ez-ordaintze problema larriak zituzten. Errekaren helburua izan da sendotasuna eta azpiegituraren kostuetan optimizazioa bateratzen dituen soluzioa eskaintzea.

Mugikortasunari soluzio integralak

Errekak 60 urte baino gehiago daramatza sarbide sistemak eta kontrolak instalatzen eta fabrikatzen, eta sekulako ezagutza batu du sarbideen arloan. MONDRAGON Korporazioko kooperatiba mugikortasunaren arloan soluzio integral eta konplexuen eskaintzan erreferente bilakatu da.

Errekaren soluzio berriak BRT moduko sistema zorrotz eta konplexuak eskatzen dituen teknologia eta sofware-aren egokitzapenari erantzuten dio. Izan ere, Antzuolako kooperatibak ingeniaritza propioa du, eta horrela soluzio eta proiektuak bezeroen beharretara egokitzen ditu.

Kasu honetan ere, bertatik bertara soluzioaren diseinuan lan egiteko aukera izan du Errekak, teknologikoki eta digitalki proiektuaren beharretara egokituz. Hain justu, ate berriak diseinatu behar izan dituzte eta beste kasu batzuetan, beirazko gidaridun-ateak aldatu behar izan dituzte sare-begi metaliko mikrozulatuak jarriz. Emaitza ezin hobea izan da eta geltokiak nabarmen hobetu dira: bai sarbide eta segurtasun sistema, txartelen ez-ordainketak murriztuz eta sistemaren kostu operatiboak murriztuz.

Errekari buruz

MONDRAGON Korporazioaren barne dago Erreka. Gaur egun 500 langile baino gehiago ditu eta azken urteko fakturazioa 75 milioi eurokoa izan da. Errekak 6 lantoki ditu munduan, 3 kontinentetan, eta gaur egungo salmenten %71,4 nazioartekoak dira.

Bost negozio unitate ditu: Plastics, Smart Fastening, Medical, Care eta Connected Access. Azken urteotan Errekak eskaintzen dituen zerbitzu eta produktuetan berrikuntza irekian oinarritutako dibertsifikazio estrategia gauzatu du. Hala, gaur egun hazkunde inorganikoko proiektuetan dihardu burubelarri, enpresa, egitasmo eta etorkizuneko startup-etan inbertitzeko helburuarekin.

Harpidetu zaitez gure albisteetara

Ez galdu ERREKAri buruzko azken berriak

Albisteak

ERREKAri buruzko azken albiste eta berritasunak kontatuko dizkizugu.

ERREKA Shaking HUB ekimenaren protagonista.
ERREKA Shaking HUB ekimenaren protagonista.
ERREKA Shaking HUB ekimenaren protagonista.

ERREKA, Shaking HUB adimen artifizialeko komunitateak abiarazitako ekimen berriaren protagonista izan da. Shaking HUB joan den urrian sortu zen eta, […]

Irakurtzen jarraitu
ERREKAk Kolonbiako filial berria inauguratu du
ERREKAk Kolonbiako filial berria inauguratu du
ERREKAk Kolonbiako filial berria inauguratu du

MONDRAGON Korporazioaren barne dagoen Erreka kooperatibarentzat dibertsifikazioa eta nazioartekotzea helburu estrategikoak dira. Hala, Antzuolako (Gipuzkoa) kooperatibaren azken plan estrategikoak, 2021ean […]

Irakurtzen jarraitu
ERREKAk MONDRAGON Korporazioaren “Hospitality” proiektu korporatiboan parte hartuko du.
ERREKAk MONDRAGON Korporazioaren “Hospitality” proiektu korporatiboan parte hartuko du.
ERREKAk MONDRAGON Korporazioaren “Hospitality” proiektu korporatiboan parte hartuko du.

9 kooperatiba biltzen dituen lankidetza-proiektu bat da, hotelen, turismoaren eta arlo soziosanitarioaren sektoreetan estrategikoki lankidetzan aritzeko. Ekimen berri honekin bat […]

Irakurtzen jarraitu