Biomedikuntzaren sektorean balio erantsi handiko produkzio mikrofluidikoa lortzeko estrategia berriei buruzko ikerketa

Proiektuaren helburu nagusia IVD eta Drug Delivery sistemetarako behin erabiltzeko medikuntza-gailuen eskala handiko produkzioan balio nabarmena sor dezaketen teknologia berriei buruzko ikerketa industrial bat egitea da.

Diagnostiko klinikoaren arloa azken hamarkadetan mikroelektronikaren sektoreak bizi izan duen iraultzaren antzeko prozesu batean murgilduta dago. Zirkuitu integratuen miniaturizazioari esker ordenagailuen ahalmenak etengabe hobetu ahal izan diren bezala, analisi klinikoen arloan ere ahalegin handiak egiten ari dira gailuen tamaina murrizteko eta, horrela, askotariko abantailak lortzeko. Zehazki, mikrofluidika, “Lab On Chip” (LoC) izenarekin ere ezagutzen duguna, fluidoak tamaina mikrometrikoa duten kanaletan maneiatzean datza; izan ere, horrela laborategiko analisi-teknikak txip batean integratu ahal baitira. Abantaila esanguratsuak dakartza horrek; adibidez, analisia denbora errealean egiteko, bolumen txikiko laginak erabiltzeko, material gutxiago erabilita kostuak murrizteko, denbora aurrezteko eta prozesuak ezin hobeto kontrolatzeko aukera.